Maison médicale | 43, Haaptstrooss | L-9780 Wëntger

E Basisverständnis vun Demenz reduzéiert d’Onsécherheet vun de Betraffenen an hire Familljen. Wärend eiser Permanence steet Iech eise Sozial- a Koordinatiounsdéngscht mat Rot an Dot zur Säit.

• Dir kritt Informatiounen iwwer d’Krankheet, d’Symptomer an d’Ënnerstëtzungsofferen (Hëllefsdéngschter doheem, Dagesfleeg …).
• Dir kritt Hëllef bei der Entlaaschtung vun de Familljememberen.
• Mir hëllefen Iech bei der Organisatioun a Koordinatioun vun den Hëllefsofferen am Kader vun der Fleegeversécherung.
• Mir bidden Hëllef an Ënnerstëtzung bei administrativen Aufgaben.
• Mir kënnen eng individuell ugepasste Léisung mat Iech zesummen ausschaffen.

Dir wëllt méi Informatiounen oder Rendez-vous huele fir e perséinlecht Berodungsge­spréich? Da rufft eis un op der Nummer
26 007-1.

E Samschdeg, de 14. Mee 2022 ass d’ala present mat engem Infostand zu Waasserbëlleg am Centre Culturel um Dag vum 3. Alter. Kommt Iech informéieren!

Mieux connaître les personnes à besoins spécifiques

Nous avons le plaisir de vous présenter le programme de la 9e édition des semaines de sensibilisation de le Ville de Luxembourg.

En annexe, vous trouverez toutes les informations sur les actions ainsi que sur les possibilités d’inscription.

Au grand théâtre de la Ville de Luxembourg aura lieu une exposition de l’atelier d’art de l’ala du 25 avril au 19 mai 2022.

Cette édition du Yearbook d’Alzheimer Europe examine les initiatives ainsi que les communautés inclusives pour les personnes atteintes de démence, y compris les exemples de bonne pratique et les ressources de toute l’Europe.

E Mëttwoch den 23. Februar vu 14.30-17.00 Auer fënnt am Escher BIBSS en Info-Nomëtteg statt zum Thema­ „Gesetzliche Schutzmaßnahmen” mam Isabelle Nieder vum psychosozialen Déngscht vun der ala.

Umelde kënnt Dir Iech am BiBSS:
24, Rue Louis Pasteur
L-4276 Esch-Uelzecht­
Telefon: 27 54 22 10

D’Vergréisserungsaarbechte vum Wunn- a Fleegeheem « Beim Goldknapp » zu Ierpeldeng gi gutt virun!

Um Rez-de-chaussée erkennt ee schonn däitlech déi verschidde Wunnraim an d’Mauere vum 1. an 2. Stack wuessen och vun Dag zu Dag.

Den 11. Januar 2022 hat d’Kulturkommissioun aus der Gemeng Géisdref an de Festsall invitéiert fir der ala e Scheck fir de Foyer „Gënzegold” vun Dol ze iwwerreechen. Dëse war d’Resultat vun der Glühwäinspendeaktioun wärend där sech d’Leit ganz spendabel gewisen hunn. D’Madame Cindy Hansen, Responsabel vum Foyer Dol, an den Här Denis Mancini, Member vum Directoire vun der ala, hunn de Scheck entgéintgeholl. Mir soen e ganz grousse Merci!

Am Kader vun der traditioneller Remise de dons, hunn d’Banque Raiffeisen an hir Membere verschiddenen Associatiounen, dorënner och der Associatioun Lëtzebuerg Alzheimer, en Don an Héicht vu 5.000 € iwwerreecht. Den Här Mancini, Member vum Directoire vun der ala, an den Här Schmetz, Responsabel vum Finanzservice, hunn de Scheck vun der Mme Alonso entgéintgeholl. Mir soen e ganz grousse Merci fir dee generéisen Don.

Méi Informatioune fannt Dir hei: https://bit.ly/3AiBzEX

Zu Ierpeldeng un der Sauer geet et gutt viru mat de Vergréisserungsaarbechte vum Wunn- a Fleegeheem « Beim Goldknapp ». Um Rez-de-chaussée erkennt ee scho ganz kloer d’Struktur an d’Opdeelung vun engem Wunnberäich. Mat e bësse Fantasie kann ee sech virstellen wéi d’Extensioun spéider ausgesäit.

Visitt vum Chantier vum Wunn- a Fleegeheem “Beim Goldknapp” zu Ierpeldeng mat Geprolux a Vertrieder vum Familljeministère.